PSJ yozda erkin agentga aylanishi mumkin bo‘lgan “Manchester Yunayted” yarimhimoyachisi Pol Pogbani o‘z safiga qo‘shib olmoqchi.
“L’Équipe” nashrining yozishicha, parijliklar futbolchiga jiddiy qiziqish bildirishmoqda. Shuningdek, Pogba faoliyatini “Real” yoki “Yuventus”da davom ettirishi ehtimoli bor.
Qayd etilishicha, Pogba “Manchester Yunayted”da qolmoqchi emas. U bosh murabbiy Ralf Rangnikning so‘zlaridan hafsalasi pir bo‘ldi, u yarimhimoyachining kelajagi haqidagi savolga javob berar ekan: “Men “Manchester Yunayted”da o‘ynashni istamaydigan odamni ishontirishga asos ko‘rmayapman”, degan gapni aytgan.
Hozir fransiyalik jarohat olgan, u noyabr oyi boshida milliy terma jamoa lagerida sonidan jarohat olgan edi. Uning tiklanishi kechikdi, shuning uchun Pogba 4-5 haftadan keyin mashg‘ulotlarga qaytadi.