“Transfermarket” сайтининг русча версияси муҳаррири Артем Заводник Элдор Шомуродовни “Рома”га қандай келиб қандай келиб қолганлиги ҳақида гапирди.

- Элдор Шомуродовнинг (26 ёш, 12 миллион евро) трансфери қандай рўй берди? Футболчи “Ростов”даги сўнгги олти ой ичида фақат битта гол урган эди. Бироқ, кейинчалик Шома Генуяга жўнаб кетди ва у ерда ўзини яхши кўрсатди. Шундан кейин унга Италиянинг бошқа жамоалари қизиқиш билдирди. Ўзбекистоннинг энг яхши футболчиларидан бири бўлган футболчи “Рома”га ўтди.

- Ҳаммасининг бошида Шомуродовнинг меҳнати ётибди. У Ўзбекистоннинг “Бунёдкор” клубидан “Ростов”га ўтганида ҳам ўйнаб кетишига шубҳа бор эди. Аммо футболга бўлган муносабати билан “Ростов”нинг асосий таркибидан жой олди, кейин эса А серияга ўтди. Бу ерда “Рома” уни бошиданоқ асосий таркиб футболчиси сифатида эмас, балки ўринбосар сифатида харид қилганини тушунишингиз керак. “Рома”нинг биринчи рақамли ҳужумчиси “Челси”дан анча каттароқ суммага сотиб олинган Тэмми Абрахамдир (38 миллион евро). Шомуродов эса ўринбосар бўлиши керак эди. “Рома” сафидаги дастлабки ўйинларда Элдор бу вазифани жуда яхши бажарган (2 гол + 3 голли узатма, - таҳририят). Аммо ҳозир, сўнгги икки-уч ой ичида унинг ўйини бироз пасайиб кетди.

- Ўзбекистон терма жамоаси футболчисининг яна бир неча йил А серияда қолишига ишонасизми?

- Ҳа. Менимча, “Рома” унинг карьерасидаги охирги катта клуб. Аммо Аммо, Шомуродов аллақачон 26 ёшга кирган бўлса ҳам ўйинида ўсиш бўлиши мумкин. У ҳатто “Рома”да асосий таркибдан жой олиш учун кураша олади. Лекин, “Ювентус” ҳақидаги гаплар (бундай миш-мишлар ҳужумчи “Женоа”га гол урганида тарқалди - таҳририят), бу ҳақиқат эмас эди. Унинг бу даражага чиқа олиши даргумон. Агар у 22-23 ёшда бўлса, мен бунга ишонишим мумкин эди. Аммо ҳозир, катта эҳтимол билан, Шомуродов энг чўққисига чиқа олди.