"Ливерпуль" бош мураббийи Юрген Клопп Миср терма жамоаси етакчиси Муҳаммад Салоҳ билан янги шартнома борасидаги музокараларнинг бориши ҳақида гапирди. Бу музокараларда у футболчини қўллаб-қувватлайди.

“Биламиз, Салоҳ “Ливерпуль”да қолишни хоҳлайди. Биз унинг қолишини истаймиз. Аммо бу ишлар вақт талаб этади. Мен уни ўзгартира олмайман, кечирасиз! Лекин менимча ҳаммаси жойида.

Ишончим комилки, мухлислар сиз [ОАВ] каби асабий эмаслар. Аммо ташвишланадиган ҳеч нарса йўқ - бу оддий жараён. Футболчининг шу ва кейинги мавсум учун амал қиладиган шартномаси бор. Ҳеч ким ташвишланмасин, бу шунчаки вазият. Салоҳ жаҳон даражасидаги ўйинчи, ақл бовар қилмайдиган футболчи, у "Ливерпуль" учун жуда кўп яхши ишларни амалга оширди. Албатта, биз уни сақлаб қолмоқчимиз ва нима бўлишини кўрамиз", - дея Клопп сўзларини келтиради The Guardian инглиз нашри.