"Манчестер Юнайтед"нинг афсонавий футболчиларидан бири бўлган Пол Скоулз жамоага қайси мураббий(лар) керак бўлиши ҳақида гапирди. У шундай дейди:

"Конте ва Почеттино "МЮ" истаган мутахассислар саналади. Контени биз яхши биламиз. У ҳозирнинг ўзидаёқ Гвардиола, Тухель ёхуд Клопп даражасидаги мутахассис саналади. Мен уни "Тоттехэм"дан "МЮ" ўтказиш мумкин деб ҳисоблайман.

"Тоттенхэм" мухлислари мени ушбу фикримга қарши чиқишлари мумкиндир. Аммо ҳозирда ҳамма кўриб турибди: Конте ўз футболчилари даражасидан хавотирга тушган. Почеттино эса менинг иккинчи таклифим. Мен уни "Тоттенхэм"даги ишини жуда ҳурмат қиламан. "ПСЖ"да эса уни ҳали яхши билмаймиз. Аммо АПЛда аллақачон нималарга қодир эканини исботлаб кетган".

Эслатиб ўтамиз, "МЮ" кейинги ўйинини "Астон Вилла"га қарши ўтказади.