Туриннинг “Ювентус” клуби “Арсенал” ҳужумчиси Пьер-Эмерик Обамеянгга қизиқиш билдирмоқда. Италия клуби жорий трансфер ойнасида габонлик футболчини харид қилмоқдҳчи. Таъкидланишича, туриниклар футболчини жароҳати туфайли мавсумнинг қолган қисмини ўтказиб юбориши мумкин бўлган Федерико Кьезага ўринбосар сифатида кўрмоқда.
Аввалроқ, “Арсенал” клуби бир неча бор интизомий қоидабузарликлар содир этгани учун Обамеянгни сардорлик боғичидан маҳрум қилганини эълон қилганди. Шунингдек, “канонирлар” июнь ойида 32 ёшга тўлган футболчидан қутулишга қарши эмас.
Обамеянг жорий мавсумда “Арсенал” сафида Премьер-лигада 14 та ўйинда майдонга тушиб, 4 та гол ва 1 та голли узатмани амалга оширди.
