Turinning “Yuventus” klubi “Arsenal” hujumchisi Pyer-Emerik Obameyangga qiziqish bildirmoqda. Italiya klubi joriy transfer oynasida gabonlik futbolchini xarid qilmoqdhchi. Ta’kidlanishicha, turiniklar futbolchini jarohati tufayli mavsumning qolgan qismini o‘tkazib yuborishi mumkin bo‘lgan Federiko Kyezaga o‘rinbosar sifatida ko‘rmoqda.

Avvalroq, “Arsenal” klubi bir necha bor intizomiy qoidabuzarliklar sodir etgani uchun Obameyangni sardorlik bog‘ichidan mahrum qilganini e’lon qilgandi. Shuningdek, “kanonirlar” iyun oyida 32 yoshga to‘lgan futbolchidan qutulishga qarshi emas.

Obameyang joriy mavsumda “Arsenal” safida Premyer-ligada 14 ta o‘yinda maydonga tushib, 4 ta gol va 1 ta golli uzatmani amalga oshirdi.