Тунис терма жамоаси бош мураббийи Мондхер Кебайер Мали билан бўлган учрашув ҳақида фикр билдирди. Мутахассис шундай дейди:
"Ўйинда бош ҳакам 85 ҳамда 89 дақиқаларда икки бора баҳсни якунловчи ҳуштак чалди. Бу эса аҳмоқгарчилик эди. У бу орқали жамоамизни эътиборини чалғитди. Кейин эса баҳсни давом эттиришга қайтадан чақирди. Биз табиийки, яна қайтиб чиқишни истамадик. Чунки футболчилар аллақачон душ қабул қилган эди. Вазият жуда ҳам аянчли ва мантиқсиз қарорларга бой бўлди".
Тунис гуруҳдаги иккинчи баҳсни Мавританияга қарши ўтказади.
