"Лион" бош мураббийи Петер Бос "Зенит" ҳужумчиси Сердар Азмуннинг кучли фазилатлари ҳақида гапирди.

“Азмун жуда яхши ўйинчи, у доимий равишда гол уради ва бу сифат ҳужумчини энг яхши тарзда тавсифлайди. Лекин у майдонда гол уришдан кўра кўпроқ нарсаларни қилади. Кўрамиз, у билан шартномани имзолай оламизми ёки йўқ", – деди Бос.

Маълумот учун, Азмуннинг "Зенит" билан амалдаги шартномаси 2022 йилнинг ёзида якунига этади. Трансфермаркт 27 ёшли эронлик футболчини 25 миллион еврога баҳоламоқда.

Жорий мавсумда Азмун 21 та ўйинда майдонга тушиб, 10 та гол урди ва 4 та голга ассистентлик қилди.