"Ювентус" бош мураббийи Массимилиано Аллегри ҳужумчи Пауло Дибаланинг шартномаси билан боғлиқ вазият ҳақида фикр билдирди. Футболчининг клуб билан шартномаси жорий мавсум охиригача ҳисобланган.
“Клуб шартномалар ва музокаралар учун жавобгардир. Бу менга боғлиқ эмас. Аммо мен Дибалани тарбиялаганман, у "Ювентус"га келганида бола эди. Энди у кўпроқ тажрибага эга. Бу фавқулодда футболчи.
Мавсумнинг биринчи қисмида у жароҳатларга дуч келди. Ҳамма ундан голлар ва ўйин сифати бўйича кўпроқ нарсани кутади", - дея мутахассис сўзларидан иқтибос келтиради "Football Italia".
