“Тоттенхэм” бош мураббийи Антонио Конте яқин орада жамоани тарк этиш ниятида эмаслигини айтди. Унинг кетиши ҳақидаги саволга жавобан италиялик мутахассис клубдаги фаолиятидан розилигини айтди.

“Клубга эндигина қўшилдим ва шартномамни охиригача ишлаб чиқмоқчиман. Мен “Тоттенхэм”даги вақтимдан завқланяпман”, деди Конте матбуот анжуманида.

Маълумот ўрнида, Контенинг “Тоттенхэм”дан кетиши мумкинлиги ҳақидаги миш-мишлар клубнинг муваффақиятсиз трансфер кампанияси фонида пайдо бўлганди. “Шпорлар” лагерига қўшилишидан олдин италиялик мутахассисга катта трансферлар ваъда қилинганди. Италиялик трансфер ойнасининг деярли ярми аллақачон ўтиб кетганидан норози.