Мадриднинг “Реал” клуби ҳимоячиси Давид Алаба жароҳати сабаб «Атлетик»га қарши Испания Суперкубоги финалини ўтказиб юборади. Бу ҳақда Маrcа нашри хабар бермоқда.
Алаба “Барселона”га қарши ярим финал учрашувида (3:2) сон мушакларидаги муаммолар туфайли ўйнамади, Карло Анчелотти австрияликнинг финалга қадар тикланишига вақт топишини кутган эди, аммо ҳозир у Испанияга қайтиб, машғулотларни давом эттиради.
Қолаверса, коронавирус тестидан ижобий ўтган Дани Карвахал ҳам финалда “қаймоқранглилар”га ёрдам бера олмайди.
“Реал Мадрид” ва “Атлетик” ўртасидаги Испания Суперкубоги финали 16 январь куни Ар-Риёдда (Саудия Арабистони) Тошкент вақти билан соат 23:30да бошланади.
