"Тоттенхэм" устози Антонио Конте Микель Артета қураётган "Арсенал" ҳақида фикр билдирди. У шундай дейди:
"Уларда бизга қараганда кўпроқ вақт бор эди. Артета ўз футболчилари билан бирга анчадан бери ишламоқда. Менимча, улар яхши жамоа шакллантира олган. Шу сабаб ҳозир улар биздан олдинда бормоқда. Улар қайд этаётган натижалар еътирофга лойиқ. "Арсенал" кучли жамоа. Айни дамда биз ўз ўйинимизни топиб олишимиз ва олдингига қараганда яхшироқ бўлишимиз керак".
Эслатиб ўтамиз, "Тоттенхэм" ҳамда "Арсенал" баҳси қолдирилиши мумкин.
