Никосияга сафар қилган Мадриднинг "Реал" клубининг ўйини биринчи таймда унчалик қовушмаган бўлса-да, ҳаммаси ўз ўрнига тушди. Қайсидир маънода Каканинг майдонга тушиши ўйинни жонлантирди. Бразилиялик ярим ҳимоячи аввалига Бенземани қулай вазиятга чиқариб, ҳисоб очилишида муҳим рол ўйнаган бўлса, кейин, иккинчи таймда тушган яна бир футболчи Марселонинг пасини голга айлантирди. 

Сўнгги дақиқада эса, Бензема учинчи голни киритиб, барчасига нуқта қўйди. Ўйиндан олдин Жозе Моуриньо ушбу жуфтликда барча масала Мадридда ҳал бўлишини хис қилаётганини айтганди. Мураббийнинг хиссиёти бу сафар алдабди. 

Бошқа тарафдан, Испания чемпионатида оғир графикда бўлган мадридликлар жуфтлик тақдирини бир ўйинда ҳал қилишлари жуда ҳам зарур эди. 

АПОЭЛ  РЕАЛ МАДРИД – 0:3 (0:0)

Голлар: Бензема (74, 90), Кака (82)

АПОЭЛ: Хиотис, Боавентура, Марсело (Кака, 13), Паулу Жорже, Барбоса Мораиш, Пинту (Э. Солари, 72), Хараламбидис, Александру (Элдер Соуза, 46), Пурсайтидис, Тричковски, Аилтон.

РЕАЛ МАДРИД: Касильяс, Арбелоа, Рамос, Пепе, Коэнтрау (Марсело, 64), Ўзил, Хедира, Шаҳин (Гранеро, 84), Игуаин (Кака, 64), Бензема, Роналду.