Пеп Гвардиола "Ливерпуль" футболчиси Виржил ван Дейк фикрига муносабат билдирди. У шундай дейди:

"Агар "Челси" ёки "Ливерпуль" шундай деб ўйлаётган бўлса, демак шундай ҳам бўлиши мумкин (кулади). Баъзида бизда пул кўп бўлади, баъзида бизда коронавирус кам бўлади. Билмадим. Балки омадлидирмиз. Мен олдин қайтарган гапимни яна айтаман, бутун дунёдаги вазиятга биз ҳам боғлиқмиз. Бизда ҳам жароҳатлар бор эди, бизда ҳам вирус юқтирганлар бор бўлган. Балки биз ҳурмат юзасидан қайси футболчида вирус аниқланганини вақтида айтмагандирмиз.

Аммо аниқ айта оламан, мавсум аввалида ўйинчилар ва мураббийлар штабида вирус сабаб анчагина муаммоларга дуч келган эдик. Шундай экан, нима ҳам дея олардим. Агар улар бизни омадли деб ҳисоблашса, демак, биз омадлимиз. Раҳмат. Пандемия бутун дунёда давом этмоқда. Ҳамма жойда вирус бор. Биз ҳам бу нарсалардан ҳоли эмасдик".

Аввалроқ ван Дейк "Ман Сити"да камроқ жароҳат ва коронавирусга чалинган футболчилар борлиги туфайли яхши ўйнаётгани ҳақида гапирганди.