Pep Gvardiola "Liverpul" futbolchisi Virjil van Deyk fikriga munosabat bildirdi. U shunday deydi:
"Agar "Chelsi" yoki "Liverpul" shunday deb o‘ylayotgan bo‘lsa, demak shunday ham bo‘lishi mumkin (kuladi). Ba’zida bizda pul ko‘p bo‘ladi, ba’zida bizda koronavirus kam bo‘ladi. Bilmadim. Balki omadlidirmiz. Men oldin qaytargan gapimni yana aytaman, butun dunyodagi vaziyatga biz ham bog‘liqmiz. Bizda ham jarohatlar bor edi, bizda ham virus yuqtirganlar bor bo‘lgan. Balki biz hurmat yuzasidan qaysi futbolchida virus aniqlanganini vaqtida aytmagandirmiz.
Ammo aniq ayta olaman, mavsum avvalida o‘yinchilar va murabbiylar shtabida virus sabab anchagina muammolarga duch kelgan edik. Shunday ekan, nima ham deya olardim. Agar ular bizni omadli deb hisoblashsa, demak, biz omadlimiz. Rahmat. Pandemiya butun dunyoda davom etmoqda. Hamma joyda virus bor. Biz ham bu narsalardan holi emasdik".
Avvalroq van Deyk "Man Siti"da kamroq jarohat va koronavirusga chalingan futbolchilar borligi tufayli yaxshi o‘ynayotgani haqida gapirgandi.
