23 июнь – 1 июль кунлари оралиғида Алексей Евстафеев мураббийлигидаги Ўзбекистон (U22)терма жамоаси Осиё чемпионати саралаш турнирида иштирок этиши керак эди. Непалда бўлиб ўтадиган мазкур турнир санасига ўзгартириш киритилди. ОФК қарорига кўра саралаш мусобақаси 2-10 июнь кунлари бўлиб ўтади.

Ўзбекистон (U22) терма жамоаси саралашнинг «D» гуруҳида Иордания, Яман, Бангладеш ва Непал мамлакатларига қарши кураш олиб боради.

2013 йилги қитъа чемпионатининг финал босқичи эса 2014 йилнинг 11-26 январь кунлари бўлиб ўтиши ҳақида қарор қабул қилинди. Айни пайтда саралашда 7та гуруҳ ташкил қилинган бўлиб, уларда дастлабки 2та ўринни қўлга киритган жами 14та терма жамоа, шунингдек, 1та энг яхши 3-ўрин эгаси қитъа чемпионатига йўл олади. ОФКдан келган хатга кўра, энг сўнгги жамоа сифатида мезбон мамлакат кўрсатиб ўтилган. Бироқ ОФК ҳозирга қадар 22 ёшгача бўлган терма жамоалар ўртасидаги Осиё чемпионатига ким мезбонлик қилишини аниқлаб олмаган.

Ўзбекистон (U22) терма жамоасининг саралаш турниридаги тақвими билан қуйида танишиб олишингиз мумкин. Саралашнинг умумий қуръаси эса мана бу ҳаволада кўрсатиб ўтилган. 

1-тур. 2 июнь.
Яман – Иордания
Непал – Бангладеш 

2-тур. 4 июнь.
Бангладеш – Ўзбекистон
Непал – Яман 

3-тур. 6 июнь.
Ўзбекистон – Непал
Иордания – Бангладеш 

4-тур. 8 июнь.
Иордания – Непал
Яман – Ўзбекистон 

5-тур. 10 июнь.
Бангладеш – Яман
Ўзбекистон – Иордания