“Манчестер Юнайтед” яримҳимоячиси Донни ван де Бек жорий мавсумда бошқа клубга ўтишни истамади.
“Манчестер Юнайтед” 24 ёшли футболчисини мавсум якунига қадар “Ньюкасл”га ижарага беришга тайёр эди, бироқ ван де Бекнинг ўзи бундай трансферни рад этди. Донни жамоанинг турнир жадвалидаги ўта паст ўрни сабаб ўтишни истамади, деб ёзади “The Telegraph”.
Эслатиб ўтамиз, аввалроқ Донни ван де Бек янги жамоа топиш имкониятини ошириш учун агентини алмаштирган эди.
Донни ван де Бек “Манчестер Юнайтед”га 2020 йил сентябрида “Аякс”дан 39 миллион евро эвазига келиб қўшилганди.
Голландиялик яримҳимоячи жорий мавсумда “Манчестер Юнайтед” сафида барча мусобақаларда 14 та ўйинда майдонга тушиб, 1 та гол уришга эришди.
