“Manchester Yunayted” yarimhimoyachisi Donni van de Bek joriy mavsumda boshqa klubga o‘tishni istamadi.
“Manchester Yunayted” 24 yoshli futbolchisini mavsum yakuniga qadar “Nyukasl”ga ijaraga berishga tayyor edi, biroq van de Bekning o‘zi bunday transferni rad etdi. Donni jamoaning turnir jadvalidagi o‘ta past o‘rni sabab o‘tishni istamadi, deb yozadi “The Telegraph”.
Eslatib o‘tamiz, avvalroq Donni van de Bek yangi jamoa topish imkoniyatini oshirish uchun agentini almashtirgan edi.
Donni van de Bek “Manchester Yunayted”ga 2020 yil sentyabrida “Ayaks”dan 39 million yevro evaziga kelib qo‘shilgandi.
Gollandiyalik yarimhimoyachi joriy mavsumda “Manchester Yunayted” safida barcha musobaqalarda 14 ta o‘yinda maydonga tushib, 1 ta gol urishga erishdi.
