"ПСЖ" футболчиси Лионель Месси ўз соғлиғи ҳақида фикр билдирди. У шундай дейди:
"Хабарингиз бор, мен коронавирус юқтириб олгандим. Шу сабаб майдонда бир муддат кўринмадим. Мен барча менга хабар йўллаган инсонларга миннатдорчилик билдираман. Соғайиш мен ўйлагандан кўра анча узоқ кечди. Ҳозирда деярли тузалдим ва майдонга қайтишни интизорлик билан кутмоқдаман. Ўзимни жуда яхши ҳис қиляпман. Шу кунларда 100 фоиз машғулотлар олиб бормоқдаман. Бизни олдинда катта мусобақалар кутиб турибди. Умид қиламанки, сизлар билан тез орада кўришамиз".
Эслатиб ўтамиз, Мессида 2 январь куни вирус аниқланган. У Аргентинада даволанаётган эди.
