Лондоннинг «Челси» клуби бош мураббийи Томас Тухель «Брайтон» билан ўйин олдидан матбуот анжуманида жамоа ҳужумчиси Ромелу Лукаку ҳақида гапирди.
«Биз унга ёрдам бериш учун ҳамма нарсани қиламиз. Лекин футбол жамоавий ўйин. Бу ўйинда бир инсонга суяниб бўлмайди», - дейди Тухель.
Эслатиб ўтамиз, аввалроқ Лукаку Италиянинг Sky Italia нашрига шов-шувли интервью бериб, «Интер»ни тарк этганидан афсусда эканини айтганди.
Бу сўзлардан сўнг Тухель вақтинчалик Лукакуни таркибдан олиб ташлади, аммо кейин ҳужумчи билан муаммони шахсан муҳокама қилиб, уни базага қайтарди.
