Жамоа селекция ишларидаги амалга оширилган трансферларни эълон қилишни давом эттиради.
Бу гал АГМК футбол жамоаси Ўрта Осиё футболи юлдузларидан бири саналган истеъдод соҳиби, тожикистонлик Алишер Жалилов билан келишувга эришди.
Фаолиятини Қозоннинг “Рубин” клубида бошлаган Алишер Жалилов маълум вақт “Нефтехимик” ва “Балтика” жамоалари ҳам ўйнаган. 2019 йилдан эътиборан эса Тожикистонга қайтган ва кетма-кет 3 мавсум “Истиқлол” жамоаси билан мамлакат чемпионига айланган.
Алишер Жалилов футболчилик фаолиятини Россияда бошлаган ва Россиянинг турли ёшдаги терма жамоаларида ҳам фаолият кўрсатган. Кейинчалик эса Жалилов Тожикистон миллий терма жамоасида ўйнашни маъқул топган ва футболчи 2019 йилдан эътиборан Тожикистон миллий жамоаси аъзоси саналади.
Алишер Жалилов марказий ярим ҳимоячи амплуасида ўйнайди. Футболчи фаолияти давомида жами 159 ўйин ўтказган ва рақиблар дарвозасига 40та гол киритган.
Алишер Жалилов 1993 йили 29 августь куни таваллуд топган.
