«Манчестер Юнайтед» яримҳимоячиси Фред жамоада инглиз ва португал тилларида сўзлашувчи футболчилар ўртасида зиддият юзага келгани ҳақидаги миш-мишларга изоҳ берди.
«Буларнинг барчаси сохта хабарлар. Бу ёлғон. Кўриниб турибдики, биз португал тилида гаплашамиз, мулоқот қиламиз, ўзаро дўстмиз.
Алекс Теллес билан майдонда ҳам, майдон ташқарисида ҳам дўстмиз. Мен уни анчадан бери биламан.
Лекин бу Лингард, Рэшфорд, Гринвуд, Магуайр ва бошқа инглизлар билан мулоқот қилмайман дегани эмас», — дейди Фред.
