Майамининг “Интер” клуби машҳур франциялик ярим ҳимоячи Блез Матюиди билан хайрлашишга қарор қилди, деб хабар бермоқда “The Sun” нашри.
Британия ОАВларига малум бўлишича, Флорида клуби раҳбарияти 34 ёшли яримҳимоячининг вакили билан шартномани муддатидан олдин бекор қилиш борасида музокаралар олиб бормоқда. Томонлар ҳамкорликни тўхтатиш бўйича келишиб олишга яқин турибди.
Матюиди Америка жамоаси сафига 2020 йилнинг август ойида келиб қўшилганди. Франциялик футболчи билан шартнома 2022 йил охиригача имзоланган. Майами жамоаси таркибида Блез 48 та учрашув ўтказиб, иккита гол ва битта голли узатмани амалга оширган.
