"Барселона" бош мураббийи Хосеп Гвардиола "Милан"га қарши учрашув якунлангач ўтказилган матбуот анжуманида, ўйиндаги ҳисобдан қониқиш ҳосил қилаётганини таъкидлаб ўтди.
"Милан"нинг бугунги учрашувдаги ҳисобдан ҳурсанд бўлаётгани, бизни нақадар кучга эканлигимизни кўрсатиб турибди. Биз учун бу ажойиб ҳиссиёт.
"Биринчи учрашувдаёқ қарама-қаршилик тақдирини ҳал қилиш қийин масала. Бизга сафарда киритилган гол етишмади. Биз бу ерга ҳақиқий футбол намойиш қилиш учун келгандик ва қайсидир маънода буни уддасидан чиқдик деб ўйлайман. Шогирдларимнинг ўйинига юқори баҳо бераман, чунки улар бугун "Милан"дарвозаси томон 17 та зарба беришди. Рақибларимиз эса, ўйин дебютидаги бир икки вазиятни ҳисобга олмаса, бизнинг дарвозамиз олдида айтарли хавфли вазиятларни яратишмади.
"Жавоб ўйини қийин бўлади. Биз "Милан"ни хурмат қиламиз. Улар жуда ажойиб жамоа. Ярим финалга чиқишимиз учун бизга ғалаба керак. Каталонияда бизни мухлисларимиз кераклича қўллаб қувватлаб туришлари керак. Бунинг учун "Камп Ноу" бор кучимиз билан ҳаракат қилишимиз керак. Шундагина биз мақсадимизга эришамиз", дея Пеп Гвардиоланинг матбуот анжуманидаги фикрларидан парча келтирмоқда УЕФА расмий сайти..
