Бразилия терма жамоасининг собиқ футболчиси Робиньо Италияда 9 йиллик қамоқ жазосига ҳукм қилинди.
Робиньо Италияда гуруҳ бўлиб зўрлаш айби билан тўққиз йил қамоқ жазосига ҳукм қилинган. 37 ёшли футболчи 2017 йилда судланган эди, бироқ унинг адвокатлари бу борада апелляция берган.
Якунда унинг ҳукми ўзгаришсиз қолдирилди. «Реал Мадрид», «Манчестер Сити» ва «Милан» клубларининг собиқ футболчиси 2013 йилда албан қизини гуруҳ бўлиб зўрлаганликда айбланган эди.
Маълумот учун, Робиньонинг сўнгги клуби «Сантос» бўлиб, у 2020 йилда жамоани тарк этганди.
