Braziliya terma jamoasining sobiq futbolchisi Robinyo Italiyada 9 yillik qamoq jazosiga hukm qilindi.
Robinyo Italiyada guruh bo‘lib zo‘rlash aybi bilan to‘qqiz yil qamoq jazosiga hukm qilingan. 37 yoshli futbolchi 2017 yilda sudlangan edi, biroq uning advokatlari bu borada apellyasiya bergan.
Yakunda uning hukmi o‘zgarishsiz qoldirildi. «Real Madrid», «Manchester Siti» va «Milan» klublarining sobiq futbolchisi 2013 yilda alban qizini guruh bo‘lib zo‘rlaganlikda ayblangan edi.
Ma’lumot uchun, Robinyoning so‘nggi klubi «Santos» bo‘lib, u 2020 yilda jamoani tark etgandi.
