Журналист Хави Мигелнинг сўзларига кўра, агар франциялик футболчи яқин соатларда “Барса”нинг таклифига жавоб бермаса, шартнома қайтариб олинади ва ўйинчи жамоа машғулотларидан четлатилади (la carta de libertad  - клуб ва ўйинчи ўртасидаги ҳамкорликни муддатидан олдин тўхтатувчи ҳужжат). Иш судда давом этиши мумкин.

“Орқага бурилиш йўқ. Қарор қабул қилинди”, - дея хабар беради Каталония клубидаги манбалар.

Дембеле учун бошқа муддатлар қолмайди, чунки “Барса” янги ўйинчиларни қўлга киритиш учун маошларини қисқартириши керак. Агар Усмон “Барса”ни тарк этмаса, клуб бошқа ҳеч кимни сотиб ололмайди.

Қарор қабул қилишнинг охирги куни - 20 январь.

Эслатиб ўтамиз, “Барселона” ўйинчи билан хайрлашиш учун машғулотлардан четлатиш усулидан фойдаланган. Бу 2002 йилда “Барса” Ривалдо билан бўлган вазиятда шундай йўл тутган. Бу клубга унинг маошидан 6,6 миллион евро тежаш имконини берганди.

24 ёшли ўнг қанот ҳимоячиси жорий мавсумда “Барселона” сафида барча турнирларда 11 та ўйинда майдонга тушиб, 1 та гол урди ва 2 та голли узатмани амалга оширди.