Jurnalist Xavi Migelning so‘zlariga ko‘ra, agar fransiyalik futbolchi yaqin soatlarda “Barsa”ning taklifiga javob bermasa, shartnoma qaytarib olinadi va o‘yinchi jamoa mashg‘ulotlaridan chetlatiladi (la carta de libertad  - klub va o‘yinchi o‘rtasidagi hamkorlikni muddatidan oldin to‘xtatuvchi hujjat). Ish sudda davom etishi mumkin.

“Orqaga burilish yo‘q. Qaror qabul qilindi”, - deya xabar beradi Kataloniya klubidagi manbalar.

Dembele uchun boshqa muddatlar qolmaydi, chunki “Barsa” yangi o‘yinchilarni qo‘lga kiritish uchun maoshlarini qisqartirishi kerak. Agar Usmon “Barsa”ni tark etmasa, klub boshqa hech kimni sotib ololmaydi.

Qaror qabul qilishning oxirgi kuni - 20 yanvar.

Eslatib o‘tamiz, “Barselona” o‘yinchi bilan xayrlashish uchun mashg‘ulotlardan chetlatish usulidan foydalangan. Bu 2002 yilda “Barsa” Rivaldo bilan bo‘lgan vaziyatda shunday yo‘l tutgan. Bu klubga uning maoshidan 6,6 million yevro tejash imkonini bergandi.

24 yoshli o‘ng qanot himoyachisi joriy mavsumda “Barselona” safida barcha turnirlarda 11 ta o‘yinda maydonga tushib, 1 ta gol urdi va 2 ta golli uzatmani amalga oshirdi.