Туриннинг “Ювентус” клуби келаси ёзда голландиялик ҳимоячи Маттейс де Лигтни сотиши мумкин. “La Reppublica” нашри хабарига кўра, 22 ёшли футболчининг хизматларига “Челси”, “Бавария” ва Каталониянинг “Барселона” каби клублари қизиқиш билдирмоқда.
Эслатиб ўтамиз, аввалроқ Де Лигтнинг агенти Мино Райола 2022 йилнинг ёзида футболчи бошқа клубга ўтиши мумкинлигини айтганди. Ҳимоячининг “Ювентус” билан амалдаги шартномаси 2024 йилнинг ёзида якунига етади.
Жорий мавсумда голландиялик ҳимоячи “кекса синьора” сафида А серия доирасида 18 та ўйин ўтказиб, битта гол урган. Футболчи 2019 йилнинг ёзида “Аякс”дан 85,5 миллион евро эвазига “Ювентус”га ўтган эди.
