«Спортинг»да ижара асосида ўйнаётган «ПСЖ» яримҳимоячиси Пабло Сарабия парижликлар ҳужумчиси Лионель Месси ҳақида гапирди.

У «ПСЖ»да Месси билан тортишиб қолганлиги ҳақидаги хабарларга изоҳ берди.

«Мен у билан кўп гаплашмадим, лекин бошиданоқ у менга жуда яхши муносабатда бўлди.

Спортда ҳар қандай футболчига мослашиш учун вақт керак. Ҳозир Месси бу ҳолатни бошдан кечирмоқда, аммо ишончим комилки, у ажойиб футболчи эканлигини ҳаммага кўрсатади», - дейди Сарабия.

34 ёшли аргентиналик футболчи жорий мавсум «ПСЖ» сафида Лига 1 доирасида 11 та ўйинда майдонга тушиб, 1 та гол урди ва 4 та голли узатмани амалга оширди.