"Манчестер Юнайтед" Дортмунднинг "Боруссия" клуби ҳужумчиси Эрлинг Холанд учун курашдан чиқди, деб хабар беради "ESPN".
Манбага кўра, 21 ёшли норвегиялик футболчи "Реал"га ўтмоқчи.
"Манчестер Юнайтед" футболчини ишонтира олмайди, деб ҳисобламоқда ва ҳужумни кучайтиришнинг муқобил вариантларига эътибор қаратмоқчи.
Шу тариқа Мадрид клуби Холанд учун курашда фаворитга айланди.
Жорий мавсумда Холанд “Боруссия” сафида 19 ўйинда 22 та гол урди ва 6 та голли узатмани амалга оширди. Форварднинг Дортмунд клуби билан шартномаси 2024 йилнинг 30 июнига қадар мўлжалланган. Трансфермаркт портали норвегиялик футболчининг нархини 150 миллион еврога баҳоламоқда.
