«ПСЖ» клуби бош мураббийи Карло Анчелотти "Арсенал" клуби билан ҳужумчи Маруан Шамахни сотиб олиш бўйича музокараларни бошламоқчи.
28 ёшли Шамах бутун мавсум давомида "канонирлар" сафида биттагина гол уришга муваффақ бўлган. Яқинлашиб келаётган ёзги трансферлар ойнаси вақтида Маруан Венгер жамоасини тарк этиши кутилмоқда, дея хабар беради Британиянинг "The Sun" нашри.
Эслатиб ўтамиз, Марокаш термаси вакили "Арсенал"га 2010 йили "Бордо" клубидан эркин агент сифатида ўтган эди. Ҳозирда Лондон клуби Шамахни сотиб 7 миллион фунт ишлаб олмоқчи.
«ПСЖ» эса ушбу ҳужумчини 5 млн. фунтга қўлга киритиб олмоқчи. Анчелоттининг таъкидлашича, бу ўйинчи энди ёш эмас ва деярли бутун мавсум майдонга тушмаган, шу сабаб ПСЖ таклиф қилаётган нарх лондонликларни қониқтириши керак экан.