Лондоннинг «Челси» клуби бош мураббийи Томас Тухель «Тоттенхэм» жамоасига қарши ўйиндан олдин таркиб борасида муаммога дуч келганини билдирди.

«Рис Джеймс майдонга қайтди, бу яхши хабар албатта, лекин у эндигина индивидуал машғулотларни ўтамоқда, шу сабабли, у якшанба кунгача жамоанинг умумий машғулотларига қайтишга улгурмайди.

Трево Чалоба жамоанинг машғулотларини ўтказиб юборди, шу сабабли, у ҳам якшанбагача тиклана олмайлди. Шундай қилиб, якшанба куни бўладиган ўйинимизга жароҳат олган футболчиларимиз тиклана олмайди ва ўтган сафардаги таркиб билан ўйнашга мажбурмиз», – Тухелнинг сўзларидан иқтибос келтирмоқда «кўклар» расмий сайти.

«Челси» – «Тоттенхэм» жамоалари ўртасидаги баҳс 23 январь куни соат 21:30да бошланади.