Мадриднинг “Реал” клуби ёзги трансферлар вақтида ярим ҳимоясини кучайтирмоқчи, деб ёзади "Defensa Central".
Манбага кўра, бугунги кунда "қаймоқранглилар" учун энг яхши номзод "Аякс" ярим ҳимоячиси Раян Гравенберх ҳисобланади.
"Қироллик клуби" Поль Погба ("Манчестер Юнайтед") ёки Франк Кессье ("Милан")ни текинга сотиб олгандан кўра, 19 ёшли нидерландиялик футболчини сотиб олишни афзал кўради.
Гравенберх жорий мавсумда “Аякс” сафида 27 та ўйинда майдонга тушиб, 1 та гол урди ва 4 та голли узатмани амалга оширди. Унинг трансфер қиймати 35 миллион еврони ташкил қилади.
