Германия чемпионатининг 20-тури доирасида Дортмунднинг “Боруссия” клуби “Хоффенхайм”ни мағлуб этди (3:2).

Олтинчи дақиқада меҳмонлар ҳужумчиси Холанд ҳисобни очди. 45-дақиқада Андрей Крамарич ҳисобни тенглаштирди. 58-дақиқада Марко Ройс “Боруссия”ни яна олдинга олиб чиқди.

Кейин эса 66-дақиқада Давид Раумнинг автоголи эвазига меҳмонлар ҳисобдаги фарқни оширишди. Мезбонлар 77-дақиқада Жоржиньо Руттернинг голи эвазига фарқни қисқартиришди.

Дортмунднинг “Боруссия”си 43 очко жамғариб, иккинчи ўринда бормоқда. “Хоффенхайм” ҳисобида 31 очко бор ва бешинчи ўринда.