Бирмингемнинг «Астон Вилла» клуби «Ювентус» яримҳимоячиси Родриго Бентанкурни сотиб олиш ниятида.
Фабрицио Романонинг твиттерда ёзишича, «Ювентус» ҳали виллаликлардан расмий таклиф олмаган, бироқ яқин орада вазият ўзгариши мумкин.
Олдинроқ Массимилиано Аллегри унинг клуби трансфер ойнасининг қолган кунларида футболчиларни сотиш ниятида эмаслигини айтганди.
Эслатиб ўтамиз, уругвайлик Бентанкур жорий мавсум Италия чемпионатида «Ювентус» сафида 18 та ўйин ўтказди. Ушбу ўйинларда футболчи иккита голли узатмани амалга оширган.
