"Аталанта" бош мураббийи Жан Перо Гасперини Италия чемпионатининг 23-туридан ўрин олган "Лацио"га қарши ўйин ҳақида фикрлари билан ўртоқлашди.
"Албатта, бугун биз ғалаба қозониш учун кўпроқ иш қилишимиз мумкин эди, сиз ҳар доим яхшироқ нарсани қилишингиз мумкин. Аммо бу натижадан хурсанд бўлиш керак. Бизда жароҳат олган футболчилар кўп, захирада битта ҳам ҳужумчи йўқ эди. Менинг футболчиларим майдонда янги ролларга мослашишлари керак эди ва ўйин давомида биз Миранчукни ҳам йўқотдик. Шундай экан, якунда камида битта очко қўлга киритганимиздан хурсандман.
Бугун биз биринчи навбатда ҳимоя ҳақида ўйлашимиз керак эди, аммо шунга қарамай ўйин давомида бир нечта вазиятларни ярата олдик. Ўтган мавсумларда биз турли вазиятларга мослашишни ўргандик. Машғулотларда кўплаб ўйинчилар позициядан ташқари ҳаракат қилишади, ҳужумчилар ҳимояда ишлайди, ҳимоячилар эса ҳужумчи ролини ўйнашга ҳаракат қилишади. Бу унчалик қизиқ эмас, лекин бу футболчиларнинг кўп жиҳатдан ривожланишига ёрдам беради", - дея Гасперинининг сўзларини келтиради Football Italia.