Саудия Арабистони миллик чемпионатининг 24-турида чемпионатнинг юқори икки ўрнини эгаллаб турган жамоалар очко йўқотишди

Пешқадам “Аш-Шабоб” бу турда “Ал-Иттифоқ” меҳмони бўлиб 0:0 ҳисобида дуранг натижа билан қайтди. Учрашувни жароҳатини даволаётган Сервер Жепаров ўтказиб юборди.

“Шабоб”нинг очко йўқотишидан “Ал-Аҳлий” клуби футболчилари фойдалана олишмади. Ўз уйида “Ал-Иттиҳод”ни қабул қилган жамоа кичик ҳисобда имкониятни бой берди ва пешқадам билан орадаги фарқ яна бир очкога ошадиган бўлди. Ҳозирда “Шабоб”да 24 учрашувдан кейин 60 очко бўлса, “Ал-Аҳлий” 58 очко жамғарган.

Ўз навбатида “Ал-Ҳилол” пешқадамларни таъқиб этишни бошлади. Бу турда ар-риёзликлар “Ал-Фатҳ” меҳмони бўлиб мезбонлар дарвозасига голлар “ёмғири”ни ёғдиришди – 0:5. “Ал-Ҳилол” ҳисобидаги очколар сони 56тага етди.

САУДИЯ “ЗАЙН” ПРО-ЛИГАСИ
24-ТУР

АЛ-ИТТИФОҚ – АШ-ШАБОБ 0:0

АЛ-АҲЛИЙ – АЛ-ИТТИҲОД 0:1 (0:1)
Голлар: Ноиф Ҳаззозий (37).

АЛ-ФАТҲ – АЛ-ҲИЛОЛ 0:5 (0:1)
Голлар: Юсуф ал-Арабий (15, 69), Кристиан Вильхельмссон (57), Салим ад-Досарий (75), Исо ал-Меҳёний (90+2).