Лондоннинг "Арсенал" клуби бош мураббийи Микель Артета АПЛ доирасида "Бёрнли" (0:0) жамоасига қарши бўлиб ўтган учрашув ҳақидаги фикрлари билан ўртоқлашди.
"Ўйинни секин бошладик, жуда секин кўриндик. Бизга тезлик етишмади ва ўзимиз хоҳлагандек ҳужум уюштира олмадик. Иккинчи бўлим тамоман бошқача бўлди. Турли усулларни синаб кўрдик, аммо якунда бизга сифат етишмади. Ўйинда ғалаба қозониш учун ижодкорлик керак, бугун бизга айнан мана шу нарса етишмади. Рақиб буни қандай қилишни биларди, улар секин ўйин намойиш этишни хоҳлашди. Улар шу тариқа кўп вақтни йўқотишади, уларнинг ўйини шундай. Биз буни ҳурмат қилишимиз керак", - деди Артета ВВС билан суҳбатда.