Англиянинг "Ливерпуль" клуби ҳимоячиси Вирджил ван Дейк АПЛ доирасида "Кристал Пэлас" (3:1) устидан қўлга киритилган ғалаба ҳақидаги фикрлари билан ўртоқлашди.
"Қийин ўйин бўлди. Озми-кўпми ўзимизга боғлиқ бўлди. Иккинчи бўлимда яккакурашларда юта олмадик. Якунда уч очкони қўлга киритдик. Ўйинни қийин бўлишини билардик. Бу кўриниб турганди. Титул? Бу ҳақда ўйлаётганимизни инкор этиб бўлмайди. Лекин, ўйиндан ўйинга ўсиб бораётганимизни кўп бор айтиб келяпмиз. Биз бошқаларга қарамаймиз, бундан маъно йўқ. Олдимизда жуда кўплаб ўйинлар турибди. Биз бор эътиборимизни ўзимизга қаратамиз. Бу жуда муҳим", - ван Дейкнинг сўзларидан иқтибос келтирмоқда Sky Sports.