Николо Скиранинг хабар беришича, «Ньюкасл» «Аталанта» яримҳимоячиси Робин Госенсни ўз сафига қўшиб олмоқчи.
Инглиз клуби аллақачон футболчи билан йилига 3,5 миллион евро маош билан 2025 йилгача шартнома имзолаш бўйича оғзаки келишувга эришган.
27 ёшли яримҳимоячи жароҳати сабаб 2021 йилнинг 29 сентябридан бери «Аталанта»да таркибида ўйнамаяпти. Яқин келажакда Госенс текширувдан ўтиши керак. Агар соғлиғида ҳаммаси жойида бўлса, «Ньюкасл» «Аталанта»га расмий трансфер таклифини юборади.
Жорий мавсумда немис футболчиси Италия клуби сафида барча мусобақаларда 8та ўйин ўтказиб, 2та гол урди ва битта голли узатмани амалга оширди.
