“ПСЖ” Франсия 1-лигасининг 22-тур учрашувида “Реймс” устидан йирик ғалабага эришди.Учрашув Париждаги “Парк де Пренс” стадионида бўлиб ўтди ва 4:0 ҳисобида мезбонлар фойдасига ҳал бўлди.
Парижликлар жамоасининг италиялик ярим ҳимоячиси Марко Верратти ҳисобни очди. Бу футболчининг Франсия чемпионатидаги тўрт йилдан ортиқ вақтдан бери урган илк голи бўлди. Верратти охирги марта Лига 1да 2017 йилнинг май ойида гол урганди.
"ПСЖ" Франсия чемпионатининг 22 ўйинида 53 очко жамғариб, турнир жадвалида пешқадамлик қилмоқда. Иккинчи ўриндаги "Ницца" эса 11 очко ортда қолмоқда.
