“Тоттенхэм” ярим ҳимоячиси Деле Алли яқин орада жамоасини ўзгартириши мумкин. Англиялик футболчини “Эвертон” ижарага олишга тайёр. Бу ҳақда The Telegraph нашри хабар бермоқда.

Лондон жамоаси учун ярим ҳимоячи 269 ўйин ўтказиб, 67 гол урган ва 61 голга ассистентлик қилган. Алли жорий мавсумда барча турнирларда 18 та ўйинда майдонга тушиб, 2 та гол ва 1 голли узатмани амалга оширди.

Англиялик ярим ҳимоячининг "Тоттенхэм" билан шартномаси 2024 йилда тугайди, Трансфермаркт футболчининг бозор нархини 25 миллион еврога баҳолаган.