Испания чемпионати 22-туридан ўрин олган "Реал" – "Эльче" учрашуви (2:2) ҳақида қизиқарли факт ва статистикалар билан танишинг.
– Анчелотти шогирдлари Ла Лиганинг сўнгги 5 ўйинида 2 ғалаба, 2 дуранг ва битта мағлубият қайд этди. Бунга қадар кетма-кет еттита ўйинда ғалаба қозонганди;
– “Реал” Ла Лигада 2017 йилнинг мартидан бери илк бор икки тўп фарқи билан ортда бориб, якунда мағлубиятдан қутулиб қолди;
– Карим Бензема Примера доирасида “Реал” сафида илк бор пеналтидан гол ура олмади. Бунга қадар футболчи 16 та пеналтини голга айлантирганди;
– Пере Милья Ла Лигада 2017 йилдан бери “Бернабеу”да гол урган ва пеналтига сабабчи бўлган илк ўйинчи. 5 йил аввал Дани Парехо бу кўрсаткични қайд этганди.
