Германиянинг «Боруссия» (М) клуби ярим ҳимоячиси Денис Закария яқин вақтлар ичида жамоасини ўзгартиради. Унинг жамоаси билан амалдаги шартномаси 2022 йилнинг ёзида якунига етади. Футболчи эса шартномани узайтиришни хоҳламаяпти.
Ўз навбатида «Бавария» ва «Боруссия» (Д) клублари қишки трансфер ойнасидаёқ Закарияни ўз сафларига қўшиб олиш учун курашни бошлаб юборишди. Шунингдек, унинг хизматига «Манчестер Юнайтед» клуби ҳам қизиқиш билдирмоқда. Бу ҳақда италиялик журналист Фабрицио Романо ўзининг "Твиттер"даги расмий саҳифасида хабар тарқатмоқда.
Қайд этиш керакки, Закария жорий мавсум Бундеслигада 16 та учрашув ўтказиб, иккита гол киритди ва иккита голга ҳаммуаллифлик қилди.
