"Интернасионал" ҳужумчиси Юрий Алберто "Зенит"га ўтишга яқин турибди, деб хабар беради "Globo Esporte".
Манбага кўра, томонлар дастлабки келишувни имзолаган. Трансфер суммаси 20 миллион еврони ташкил қилади.
Айни вақтда келишувнинг бошқа тафсилотлари ҳам муҳокама қилинмоқда. Шунингдек, Бразилия клуби футболчининг кейинги сотувининг 10 фоизини ўзида сақлаб қолмоқчи, бу эса "Зенит"га тўғри келмаяпти. Футболчи шартнома имзолашдан олдин яқин кунларда тиббий кўрикдан ўтади.
Ўтган мавсумда 20 ёшли Юрий Алберто "Интернасионал" сафида барча турнирларда 55 ўйинда майдонга тушиб, 19 гол ва 4 голга ассистентлик қилган.
