"Internasional" hujumchisi Yuriy Alberto "Zenit"ga o‘tishga yaqin turibdi, deb xabar beradi "Globo Esporte".
Manbaga ko‘ra, tomonlar dastlabki kelishuvni imzolagan. Transfer summasi 20 million yevroni tashkil qiladi.
Ayni vaqtda kelishuvning boshqa tafsilotlari ham muhokama qilinmoqda. Shuningdek, Braziliya klubi futbolchining keyingi sotuvining 10 foizini o‘zida saqlab qolmoqchi, bu esa "Zenit"ga to‘g‘ri kelmayapti. Futbolchi shartnoma imzolashdan oldin yaqin kunlarda tibbiy ko‘rikdan o‘tadi.
O‘tgan mavsumda 20 yoshli Yuriy Alberto "Internasional" safida barcha turnirlarda 55 o‘yinda maydonga tushib, 19 gol va 4 golga assistentlik qilgan.
