"Манчестер Юнайтед" ҳужумчиси Криштиану Роналдунинг маоши, агар клуб Чемпионлар лигасига йўлланма олмаса, 25 фоизга камайиши мумкин, деб хабар беради "The Athletic".

Манбага кўра, футболчи ҳозирда йилига 30 миллион евро олади. Қисқартирилган тақдирда форварднинг маоши 22 млн еврогача камаяди.

Қайд этиш жоиз, 36 ёшли Роналду жорий мавсумда барча турнирларда 24 та ўйинда майдонга тушиб, 14 та гол урди ва 3 та голли узатмани амалга оширди. Унинг клуб билан шартномаси 2023 йилнинг ёзига қадар мўлжалланган.