"Барселона" ўзининг нидерландиялик форварди Мемфис Депай билан хайрлашишга қарши эмас, дея хабар берди журналист Фабрицио Романо.
Клубда Мемфиснинг кетиши учун барча эшиклар очиқ, аммо бу осон бўлмайди. Январь ойи бошида "кўк-анорранглилар" уни "Ювентус"га таклиф қилган, бироқ Массимилиано Аллегри соф ҳужумчи излаётгани сабабли ушбу трансферни рад этган.
Эслатиб ўтамиз, 27 ёшли Нидерландия терма жамоаси аъзоси ва "Барса" ўртасидаги амалдаги шартнома 2023 йилда якунига етади. Жорий мавсум Депай Ла Лигада 16 ўйинида 8 гол уриб, 2 голли узатмани амалга оширган.