"Манчестер Юнайтед"нинг собиқ футболчиси Оуэн Ҳаргривз Ральф Рангникка Роналду ҳақида маслаҳат берди. У шундай дейди:
"Мен бундан кейин Рангник Роналдуни яна қайтадан ўйин вақтида заҳирага олади деб ўйламайман. Чунки Роналду унга 36 ёшда бўлишига қарамай, қандай даражада эканини ва жамоага фойдали бўлиши мумкинлигини кўрсатиб бера олган. Рангник бу борада эҳтиёткор бўлиши лозим. Негаки, у жамоа сардори Магуайрни заҳирага ўтказиб қўйди. Роналдуни ҳам шу кўйга солса, у умидсизликка тушади. Бу эса жамоа зарарига ишлайди. Сиз Роналдудек футболчидан иложи борича фойдаланишингиз керак".
Эслатиб ўтамиз, "МЮ" кейинги ўйинини "Мидлсбро"га қарши кубок доирасида ўтказади.
